主页 > X生活坊 >《重回旧地 寻找昔日那一片天 >
《重回旧地 寻找昔日那一片天
《原创文章 欢迎转载 请列明出处 谢谢》-请支持蓝狮 Facebook专页- 图片来源 如无意外,巴卡约高喺史丹福桥既生涯都进入左倒数阶段,传媒报导摩纳哥经已与车路士达成借用协议,来季法国人将会以借用身份再一次回归摩纳哥效力,及后亦有可买断条款将佢正式收归旗下,对车路士黎讲巴卡约高无疑被标为「水货」,难以适应英超风格下离开对球员黎讲亦算係一件好事。持平啲讲,巴卡约高未算得上係一个好差既球员,但有一啲明显既弊病令佢唔适合喺英超发展。当日时任主帅干地收购佢哩位法国中场返黎其实係想佢喺马迪身边慢慢成长,但估唔到球会一个屈尾十就放左后者去曼联,变相就要对巴卡约高委以重任,但喺343之下球员并未能承担马迪所留下既职责,而352之中巴卡约高亦对自己既定位感到困惑,揠苗助长之下令法国人在场上犯下唔少严重失误,更成为球迷既众矢之的,最终干地下台后,球会亦随即将巴卡约高外借到AC米兰,希望佢能够喺意甲重拾状态。法国人喺意大利可以话过左一个高山低谷既一季,先係有传被时任主帅加度素打回头,之后一步步成为球队中既绝对主力,但佢同加度素之间既不咬弦都经已係公开既秘密,再加上侮辱对手、操练迟到、拒绝出场等等事件,巴卡约高最终没有被AC米兰所买断,而同时球员亦未有喺过去哩一季尝试改善自己既缺点,控球等坏习惯依然继续出现。再加上睇番季前果几场热身赛,都见到巴卡约高喺场上既表现明显未合乎林伯特既要求,持球在脚时总係拖慢左成队球队节奏,回防时亦好钟意喺对手背后踩脚式拦截,现场睇既画面可以话相当危险,粗枝大叶既脚下技术可以话满布危机,更何况依加队中经已比佢有更强推进能力既高华锡,如果前者选择留队的话其实都真係几难比到机会佢上阵。对巴卡约高黎讲,喺未能够改善自己弊病之下英超真係唔适合佢发展,相反意甲同法甲节奏较慢就令佢较容易掌握,希望法国人能够寻找到昔日那一片天空,至少为自己既职业生涯努力打拼。文章发表时间 : 29/08/2019 12:00文章最后更新时间 : 29/08/2019 12:00报导来源 :RMC《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇:
相似文章